Oct08

Íslensku bókmenntaverðlaunin 2014

Höfundur Bryndís Loftsdóttir

Frestur til að tilkynna bækur til verðlaunanna er til 15. október

Í reglum um Bókmenntaverðlaunin segir m.a.:

Hver sá sem gefur út bækur á þess kost að tilnefna þær af útgáfubókum sínum sem hann óskar að komi til álita samkvæmt reglum um verðlaunin. Við tilnefningu skal tekið fram hvort um er að ræða;

  1. Frumsamin íslensk skáldverk, laust mál eða ljóð, fyrir fullorðna.
  2. Önnur íslensk ritverk, fræðirit, frásagnir, handbækur fyrir fullorðna og hver þau verk sem að jafnaði teljast ekki skáldverk eða fagurbókmenntir.
  3. Frumsamin íslensk verk fyrir börn og unglinga.

Tilnefndir verða 3 menn til dómnefndarstarfa í hverja nefnd. 

Verðlaunin eru kr.  1.000.000,- (ein milljón)  fyrir hvern flokk.

Tilkynnið bækur vegna verðlaunanna sem fyrst og eigi síðar en 15. október nk. á netfangið fibut@fibut.is

Dómnefndir bókmenntaverðlaunanna munu væntanlega taka til starfa í október. 
Bókum sem félagsmenn óska að leggja fram vegna tilnefninga til Íslensku bókmenntaverðlaunanna 2014 þarf að skila sem fyrst til skrifstofu Félags íslenskra bókaútgefenda og eigi síðar en fyrir október nk. Gjald fyrir framlagðar bækur er 30.000 kr.

Skila skal þremur eintökum af framlögðum verkum og má eins og áður á fyrsta stigi leggja fram handrit eða prófarkir. Koma skal tilkynningum og bókum til skrifstofu félagsins á Barónsstíg 5, 101 Reykjavík.

Tilnefningar til Íslensku bókmenntaverðlaunanna fara fram í fyrstu viku desember og afhending verðlaunanna sjálfra eigi síðar en 15. febrúar 2015.

Nánari upplýsingar um bókmenntaverðlaunin fást á skrifstofu félagsins.