NonfictioNOW ráðstefnan, sem helguð er óskálduðu efni af öllum toga, var stofnuð í Bandaríkjunum árið 2005 og er haldin annað hvert ár. Þetta er í fyrsta skipti sem hún er haldin í Evrópu. 

Meðal erlendra gesta sem verða með fyrirlestra á ráðstefnunni eru: Gretel Ehrlich, Karl Ove Knausgaard, Aisha Sabatini Sloan og Wayne Koestenbaum. 

Nánari upplýsingar um ráðstefnuna má finna hér; NonfictionNOW

Vorbókatíðindi Félags íslenskra bókaútgefenda eru nú komin út í tilefni Viku bókarinnar sem hófst þann 23. apríl. Í ritinu eru kynntar nýjar íslenskar bækur, bæði þýddar og frumsamdar auk þess sem þar má einnig finna kynningu á nýjum landakortum af Íslandi.

Forsíðuna prýðir að þessu sinni bókaunnandinn og fótboltasnillingurinn Margrét Lára Viðarsdóttir.

Rafræna útgáfu má finna hér: Rafræn Vorbókatíðindi

Forseti Íslands, herra Guðni Th. Jóhannesson, afhenti í dag, miðvikudaginn 8. febrúar, Íslensku bókmenntaverðlaunin 2016, við hátíðlega athöfn á Bessastöðum.

Íslensku bókmenntaverðlaunin nema einni milljón króna fyrir hvert verðlaunaverk og eru kostuð af Félagi íslenskra bókaútgefenda. Auk þess er verðlaunahöfum afhent skrautrituð verðlaunaskjöl og verðlaunagripir, hannaðir af Jóni Snorra Sigurðssyni á gullsmíðaverkstæði Jens; opin bók á granítstöpli með nafni verðlaunahöfundar og bókar hans.

Verðlaunin skiptust  í þrjá flokka og þeir sem að þessu sinni hlutu verðlaunin voru:

Fræðirit og bækur almenns efnis: Ragnar Axelsson: Andlit norðursins – útgefandi : Crymogea

Barna- og ungmennabækur: Hildur Knútsdóttir: Vetrarhörkur – útgefandi : JPV útgáfa

Fagurbókmenntir: Auður Ava Ólafsdóttir: Ör – útgefandi : Benedikt bókaútgáfa

Bókamarkaður Félags íslenskra bókaútgefenda verður haldinn í stúkubyggingu Laugardalsvallar dagana 24. febrúar til 12. mars. Haft verður samband við þá útgefendur sem tóku þátt á síðasta ári en aðrir áhugasamir eru hvattir til þess að hafa samband við skrifstofu félagsins (bryndis@fibut.is) og ganga frá samning og skráningu gagna.

Áætlað er að halda Bókamarkaðinn á Akureyri dagana 23. mars til 2. apríl.  Nánar síðar.

Íslandspóstur hefur nú lokið dreifingu Bókatíðinda. Að venju er Bókatíðindum dreift inn á öll íslensk heimili. Þau eru þó ekki borin út til þeirra sem hafna fjölpósti. Hægt er að hafa samband við skrifstofu félagsins og óska eftir að fá Bókatíðindin send sérstaklega. Senda þarf beiðni á fibut@fibut.is með upplýsingum um nafn, heimilisfang og póstnúmer.

Rafræna útgáfu má nálgast hér: BÓKATÍÐINDI 2016

Þann 1. desember var tilkynnt við hátíðlega athöfn á Kjarvalsstöðum um tilnefningar til Íslensku bókmenntaverðlaunanna 2016. 

Formenn dómnefndanna þriggja munu velja einn verðlaunahafa úr hverjum flokki ásamt forsetaskipuðum formanni lokadómnefndar. Íslensku bókmenntaverðlaunin 2016 verða afhent um mánaðarmótin janúar-febrúar á komandi ári af forseta Íslands, Guðna Th. Jóhannessyni, á Bessastöðum. Félag íslenskra bókaútgefenda gefur verðlaunin sem eru ein milljón króna fyrir hvert verðlaunaverk auk verðlaunagrips úr silfri.

Tilnefndar bækur í flokki fræðibóka og rita almenns efnis:

Árni Heimir Ingólfsson: Saga tónlistarinnar / Forlagið
Bergsveinn Birgisson: Leitin að svarta víkingnum / Bjartur
Guðrún Ingólfsdóttir: Á hverju liggja ekki vorar göfugu kellíngar / Háskólaútgáfan
Ragnar Axelsson: Andlit norðursins / Crymogea
Viðar Hreinsson: Jón lærði og náttúrur náttúrunnar / Lesstofan

Dómnefnd skipuðu: Aðalsteinn Ingólfsson, formaður nefndar, Hulda Proppé og Þórunn Sigurðardóttir

Tilnefndar bækur í flokki barna- og ungmennabóka

Hildur Knútsdóttir: Vetrarhörkur / JPV útgáfa
Hildur Knútsdóttir og Þórdís Gísladóttir: Doddi: bók sannleikans / Bókabeitan
Margrét Tryggvadóttir og Linda Ólafsdóttir: Íslandsbók barnanna / Iðunn
Þórhallur Arnórsson og Jón Páll Halldórsson: Vargöld : fyrsta bók / Iðunn
Ævar Þór Benediktsson: Vélmennaárásin / Mál og menning

Dómnefnd skipuðu: Árni Árnason, formaður nefndar, Hildigunnur Sverrisdóttir og Sigurjón Kjartansson.

Tilnefndar bækur í flokki fagurbókmennta:

Auður Ava Ólafsdóttir: Ör / Benedikt bókaútgáfa
Guðrún Eva Mínervudóttir: Skegg Raspútíns / Bjartur
Sigurður Pálsson: Ljóð muna rödd / JPV útgáfa
Sjón: Ég er sofandi hurð (Co Dex 1962) / JPV útgáfa
Steinar Bragi: Allt fer / Mál og menning

Dómnefnd skipuðu: Knútur Hafsteinsson, formaður nefndar, Helga Ferdinandsdóttir og og Jórunn Sigurðardóttir

Aðstandendur Digital Book World Conference sem haldin verður í New York dagana 17.-19. janúar 2017 bjóða félagsmönnum FIBUT 10% afslátt af ráðstefnugjaldinu með það fyrir augum að koma til móts við okkur vegna mikils ferðakostnaðar.

Til þess að nýta sér tilboðið þarf að senda póst á James Woollam (james.woollam@fwcommunity.com) eða Taylor Sferra (taylor.sferra@fwcommunity.com) og óska eftir afsláttarkóða. 

Nánar má lesa um ráðstefnuna á heimasíðu hennar: http://www.digitalbookworldconference.com/  og tilboð þeirra má finna hér "lesa meira".

Miðstöð íslenskra bókmennta hefur nú úthlutað 23,3 milljónum króna til 55 verka. Alls bárust 80 umsóknir frá 28 útgefendum og sótt var um tæpar 57 milljónir.

Meðal þeirra 55 verka sem hljóta útgáfustyrki í ár eru Verslunarsaga Íslands, Íslandsbók barnanna, Ljóðasafn Jóns úr Vör, Konur breyttu búháttum, Saga Alþýðuflokksins, Svart og hvítt - Jón Kaldal og Hinsegin saga.

Hér má finna yfirlit yfir alla útgáfustyrki 2016

Upplýsingar um alla styrki sem Miðstöð íslenskra bókmennta veitir má finna hér.

Í tilefni viku bókarinnar hefur Félag íslenskra bókaútgefenda sent frá sér Vorbókatíðindi 2016.  Í ritinu má finna kynningar á ríflega 130 titlum sem út eru komnir á árinu eða eru væntanlegir á næstu dögum. Vorbókatíðindum verður dreift á höfuðborgarsvæðinu og á Akureyri.

Vefútgáfu Vorbókatíðinda má finna með því að smella hér

Forseti Íslands, herra Ólafur Ragnar Grímsson, afhenti í dag, miðvikudaginn 10. febrúar, Íslensku bókmenntaverðlaunin 2015, við hátíðlega athöfn á Bessastöðum.

Íslensku bókmenntaverðlaunin nema einni milljón króna fyrir hvert verðlaunaverk og eru kostuð af Félagi íslenskra bókaútgefenda. Auk þess er verðlaunahöfum afhent skrautrituð verðlaunaskjöl og verðlaunagripir, hannaðir af Jóni Snorra Sigurðssyni á gullsmíðaverkstæði Jens; opin bók á granítstöpli með nafni verðlaunahöfundar og bókar hans.

Verðlaunin skiptust  í þrjá flokka og þeir sem að þessu sinni hlutu verðlaunin voru: